عضو الأهلي يرد على وصف تركي آل الشيخ له بـ"الهلفوت": "ملقتش حد يربيك"

رد محمد سراج الدين، عضو مجلس إدارة النادي الأهلي، على المستشار تركي آل الشيخ، رئيس هيئة الترفيه بالسعودية، والذي وصفه بعبارات غير لائقة عبر حسابه الشخصي بموقع التواصل الاجتماعي "فيس بوك".

كان محمد سراج الدين قد نشر عبر حسابه الرسمي بموقع التواصل الاجتماعي "فيس بوك": "بعيد عن الكورونا ربنا يحفظنا ويسلمنا منها جميعاً في فيروس عجوز موجود من زمان في قطاع الرياضة في مصر". طالع التفاصيل

ورد تركي آل الشيخ عبر حسابه بـ "فيس بوك" قائلاً: "هوا مين الهلفوت ده محمد سراج الدين؟ ايه موقعك من الاعراب بس قبل مارد عليك يا هلفوت؟".

ليواصل عضو الأهلي ردوده عبر حسابه الرسمي بـ "فيس بوك"، قائلاً: "هو أنا متربي وهادي الحمد لله ودي نعمة ربتني عليها والدتي الأستاذة الجامعية ووالدي وهو لواء مدفعية سابق في الجيش المصري بس افتكر أنه كان علمني كمان ان الكرامة دي أعلى وأهم صفات الإنسان وإن عمري ما اقبل أي تجاوز في حقي".

وتابع: "انا بشفق عليك حقيقي لأنك ملقتش حد يربيك تربية سوية أو يعلمك ان مش كل حاجة المظاهر والشو والهبل اللي بتعمله ده اللي خلاك مسخة أمام العالم كله في قيم ومعاني وأصول أهم وأسمى من كده بكتير بس انت معذور متعرفهاش بحمد ربنا أني اتربيت كده وانا مش بشوفك يا تركي آل شيخ من أول يوم غير واحد ناقص وجاهل وهفضل أشوفك كده على طول".

واختتم: "وعلى فكرة أنت مش كاسر عيني وأنت عارف كده كويس ولا عمرك هتقدر في أحلامك حتى تكسرها ولا انت ولا اتخن تخين".