علق خالد الغندور، نجم الزمالك السابق، على الأوضاع داخل النادي الأهلي، منتقدًا عدداً من القرارات الفنية والإدارية، في ظل تراجع النتائج خلال الفترة الأخيرة، والخروج من دوري أبطال إفريقيا.
وكتب خالد الغندور عبر صفحته الشخصية على موقع "فيس بوك": "كولر حصل على 11 بطولة، بس خرف ولازم يمشي. ييجي عماد وينجح، ولازم يمشي عشان مدرب مصري ومش هيعرف يسيطر على النجوم".
وتابع: "نجيب ريبيرو، مدرب ضيّع هيبة الأهلي ولازم يمشي. نجيب توروب، مدرب وحش ونتائجه سيئة، لازم يمشي. ونجيب كامويش مكان جراديشار عشان عقده كبير ومش جامد. وبالنسبة للإدارة واللاعبين والصفقات اللي مشيت وجيه مكانها لاعبين، اختيار الإدارة مش المدرب".
طالع أيضًا | توروب يرد على تمسكه بالشرط الجزائي حال رحيله عن الأهلي.. ويبرر هزيمة الترجي
وواصل: "وبالنسبة لغرفة الملابس، والتفرقة في العقود بين اللاعبين، وعدم سفر إمام ليانج أفريكانز ورجع لعب عادي بعد أسبوعين، وبالنسبة لزيزو والأهلي، واللي جه بعد انسحاب الأهلي من أمام الزمالك، وعقده اللي فيه كيد للزمالك، واللي بوّظ أوضة اللبس بسبب عقده الأعلى في تاريخ الأهلي".
واستمر: "وبالنسبة لرحيل رامي وبيع وسام أبو علي بعد ما أصر على الرحيل غصب، وأكرم توفيق وأليو ديانج بسبب المغالاة في العقود.. فعلًا يا راجل، قول كلام غير ده! هي كل الفلوس اللي بتترمي في الأرض دي عادي؟ أمال أشرف داري ورضا سليم وجراديشار وكولر اللي بتدفع لهم فلوسهم لغاية دلوقتي، واللاعبين اللي جم عندك وما عملتش أي إضافة للفريق، ده اسمه إيه؟ إهدار مال ولا إدارة رائعة!".
واختتم: "وفين شركة الكورة؟ وفين سيد عبد الحفيظ المتحكم في كرة القدم في الأهلي؟ ولا كابتن الخطيب برضه هو اللي لسه بيدير رغم تعبه؟".
